بعدك ياوطن مجروح وجروحك غميجة وحار بيها الشل
بعدك ياوطن تتلاوه وي الريح لاجنك عزيز ودوم ما تنذل
وبعده الك يخلص ياوطن مظلوم ولسنة رخيصة علية تتعذل
وبعد عمر بن ود يسلام يتحداك والوادم تدنك خوف بيهم حل
وبعد صوت الرسول يحشم بها الناس وبس غيرة علي من ها الخلك تزعل
وبعد صوت الحسين ولا معين وياه (ما من ناصراً) محد جبينة ابتل
بس صوت الصدر لبيك يامولاي جينة على العهد وياكم الاول
............................
صدر يعكب صدر ما هابوا الطاغوت ذرية بعض من بعض تتكمل
لدروب الشهاده تعنوا موهبين وهيه اجدامهم هذا الدرب تندل
بدم والقلم زلزلوا عرش الجور لو كالوا صدر كرسي الظلم يختل
الاول خط نهج وثاني دك اوتاد والثالث مشه بهذا النهج مازل
الاول فلسفة والثاني الجمعات والثالث الثورة الدوم ما تنفل
مع التحيات
اخوكم مهيمن الكوبعي
بسم الله الرحمن الرحيم
حبيبي الغالي ياسيد مهيمن ال سيد يوسف الكوبعي المحترم
كيف يبدو لي ان اتقدم لك بكلماتي البسيطه التي تكون مثل قطر الندى في وقت زخ الحالوب ...
انك مبدع ورائع ولك اصل بالشعر لوالدك السيد يوسف
وتحاتي لك على هذا الابداع الذي طرحته لنا واتمنى بزيارتي الثانية ان اجد كل ماهو جديد
وتحياتي لك
اخوك
قصي حبيب الخفاجي
ذي قار / الفهود